Lëvizja Vetëvendosje (LVV) ka shënuar shpenzimet më të larta ndër subjektet politike të përfaqësuara në Kuvendin e Kosovës për tremujorin korrik – shtator 2025, sipas të dhënave të publikuara nga Komisioni Qendror i Zgjedhjeve (KQZ).
Bazuar në Ligjin për Financimin e Subjekteve Politike, të gjitha partitë që përfaqësohen në Kuvend kanë dorëzuar raportet e tyre tremujore financiare në Zyrën për Regjistrim, Certifikim dhe Kontroll Financiar të Subjekteve Politike (ZRCKFSP), ndërsa ato janë publikuar në uebfaqen zyrtare të KQZ-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas të dhënave të publikuara, Lëvizja Vetëvendosje (LVV) kryeson me shpenzimet më të larta gjatë këtij tremujori, me gjithsej 663,459 euro të deklaruara. Këto shpenzime përfshijnë aktivitetet politike, funksionimin e partisë dhe shpenzime të tjera operative.
Pas saj vjen Partia Demokratike e Kosovës (PDK), e cila ka raportuar një shumë prej 220,660 euro për tremujorin e njëjtë.
Lidhja Demokratike e Kosovës (LDK) ka deklaruar se ka shpenzuar gjithsej 188,533 euro.
Ndërsa Aleanca për Ardhmërinë e Kosovës (AAK) ka paraqitur shpenzime në vlerë prej 40,765 euro, që është shuma më e ulët në krahasim me partitë tjera parlamentare.
Këto të dhëna janë pjesë e përpjekjeve për rritje të transparencës dhe llogaridhënies në financimin e partive politike në Kosovë.