Në kuadër të bashkëpunimit mes Komunës së Drenasit dhe avokates Ermira Zhuri me seli në Treviso të Italisë është arritur marrëveshje bashkëpunimi për financimin e bursave për katër studentë të Komunës së Drenasit, bëhet e ditur përmes një komunikate për media.
“Në kuadër të kësaj marrëveshje, avokatja Ermira Zhuri financon katër (4) bursa për studentët e Komunës së Drenasit për vitin akademik 2018-2019, ku vlera e një burse është 500 (pesëqind) euro”, thuhet në komunikatë.
Komuna e Drenasit thotë se do të shpallë konkurs për vitin akademik 2018-2019 dhe në bazë të kritereve të konkursit do të përzgjidhen të gjithë përfituesit e bursave si nga Komuna ashtu edhe nga donatorët.
