Pas një kohe të gjatë, liderët e rajonit të Ballkanit Perëndimor janë mbledhur të shtunën në një vend.
Të gjithë u mblodhën në Podgoricë për të marrë pjesë në inaugurimin e presidentit të ri të Malit të Zi, Jakov Milatoviq, i cili bëri betimin dhe mori detyrën para 200 të ftuarve.
Në rreshtin e parë u ulën të gjithë liderët rajonalë, përfshirë presidenten e Kosovës, Vjosa Osmani. Ajo u ul pranë presidentit të Shqipërisë, Bajram Begaj.
Në rreshtin e parë ishin edhe anëtarët e Presidencës së Bosnjës dhe Hercegovinës, Zheljka Cvijanoviq, Zheljko Komshiq dhe Denis Beqiroviq, presidenti i Serbisë, Aleksandar Vuçiq dhe ai i Kroacisë, Zoran Milanoviq.
Me tubimin e liderëve rajonalë, Milatoviq i ka konkretizuar njoftimet që i ka bërë më herët, përkatësisht se prioritet i tij do të jetë bashkëpunimi rajonal.
Milatoviq ka thënë se do të jetë president i të gjithë qytetarëve, se do të punojë në promovimin ekonomik të Malit të Zi dhe marrëdhëniet e mira fqinjësore.
Edhe
“Anëtarësimi i Malit të Zi në BE deri më 2028 – realitet”
Arritja e presidentes Vjosa Osmani në inaugurimin e presidentit të Malit të Zi, Jakov Milatoviq
-
Samiti BE-Ballkani Perëndimor sot në Tivat, Kosova kërkon trajtim të drejtë në procesin e zgjerimit
-
Vuçiq vazhdon ta vuajë që Mali i Zi e ka pranuar pavarësinë e Kosovës
-
Kosova do të kërkojë në Tivat trajtim të drejtë në procesin e zgjerimit
-
BE-ja bën ftesë për respekt dhe bashkëpunim rajonal në prag të samitit në Tivat