Pas mbledhjes së sotme të Kryesisë së Aleancës për Ardhmërinë e Kosovës, i nominuari për kryeministër nga PAN-i, Ramush Haradinaj, tha se do t’i drejtohet me nga një letër Visar Ymerit dhe Isa Mustafës.
Në letrën e siguruar nga KTV, dërguar kryetarit të Vetëvendosjes Visar Ymeri dhe atij të LDK-së, Isa Mustafa, Haradinaj pohon se diskutimi i përbashkët për çështjet me rëndësi nacionale duhet të krijohen në praktikë bashkëpunimi me qëllim të zhvillimit të demokracisë së brendshme në Kosovë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërmbajtja e letrës së Ramush Haradinaj:
Kosova ka zhvilluar një proces të drejt dhe të rregullt zgjedhor, duke rikonfirmuar rrugën e sigurt të konsolidimit të demokracisë dhe të shtendërtimit.
Qytetarët e Kosovës presin nga institucionet e dala nga zgjedhjet që të avancojnë agjendën e interesit nacional të ndërtimit të shtetit ligjor, zhvillimit ekonomik dhe përparimit të Kosovës në proceset e integrimit evro-atlantik.
Në përputhje me rezultatin e zgjedhjeve të parakohshme parlamentare në Kosovës të datës 11 qershor 2017 e të certifikuara nga Komisioni Qendror i Zgjedhjeve, në cilësinë e të nominuarit të koalicionit fitues, ju ftoj për një takim konsultativ me qëllim të diskutimit të pikëpamjeve rreth ndërtimit të institucioneve të reja në Kosovë.
Diskutimi për çështjet e interesit nacional dhe të bashkëpunimit e bashkërendimit institucional duhet të jetë praktikë e vazhdueshme me qëllim të forcimit të demokracisë së brendshme në Kosovë.
Përgjigja e Ymerit drejtuar Haradinajt:
http://www.koha.net/arberi/30752/ymeri-i-vv-se-refuzon-takimin-me-haradinajn-e-aak-se/
Haradinaj, i ka ftuar në takim nesër me datë 11 korrik, në ora 11:00, në mjediset e Kuvendit të Kosovës.
Kujtojmë se letra është e njëjtë për të gjithë liderët, një ftesë të ngjashme i ka dërguar edhe Listës Serbe.
