Kyçyk dënohet me 4 muaj burgim me kusht për kanosje ndaj gazetarit të KOHËS, Ardit Kika

(Tekst i përditësuar) - Gjykata Themelore në Prishtinë ka dënuar me 4 muaj burgim me kusht me periudhë verifikuese prej 1 viti dhe dënim plotësues ndalim prej 6 muaj hyrje në rrjetet sociale Agron Kyçyk për shkak të kanosjes ndaj gazetarit, Ardit Kika.

Kyçuk e pranon fajësinë për kanosjen e gazetarit të KOHËS, Ardit Kika

I akuzuari Agron Kyçyk, e ka pranuar fajësinë për veprën penale “Kanosje”, ndaj gazetarit të KOHË-s, Ardit Kika.

Prokuroja e Shtetit, Arta Cukaj gjatë leximit të aktakuzës tha se i pandehuri e ka kanosur seriozisht gazetarin Ardit Kika.

“Sipas Prokurorisë, me datë 22/01/2026, rreth orës 22:00, në Prishtinë, i pandehuri Agron Kyçyk, seriozisht e ka kanosur kompaninë “Koha”, gazetarin të dëmtuarin Ardit Kika, me qëllim të frikësimit ashtu që përmes Facebook-ut i ka shkruar fjalët “këta i ndalë likuidimi në emër të popullit, boll i duruam mo, hala t’u i pas varret e freskëta nga lufta, merre me mend këta punojnë për shka e Rusi, Amerika po na armatos dhe mundohet që sa më shpejtë me na anëtarësi në NATO – e mediat tona merre me mend çfarë dezinformata shpifin, klm”, me çka tek i dëmtuari – gazetari Ardit Kika, është shfaqur ndjenja e frikës, ankthit dhe pasigurisë për jetë”, tha prokurorja Arta Cukaj.

Edhe Arbëri 41 min. më parë AGK-ja dënon sulmin e Ramës ndaj KOHËS dhe KALLXO-s

Pas leximit të aktakuzës, i pandehuri Agron Kyçyk e ka pranuar fajësinë për veprën me të cilën akuzohet.

Pranimin e fajësisë, e pranoi edhe prokurorja Cukaj.

“Meqenëse i akuzuari ka pranuar fajësinë për veprën penale, dhe se ky pranim është në harmoni me provat e propozuara, i propozoj gjykatës ta shpall fajtor, të marrë parasysh si rrethanë lehtësuese pranimin e fajësisë”, ka thënë ajo. Edhe i dëmtuari, Ardit Kika i tha Gjykatës ta marrë parasysh gjendjen ekonomike të të pandehurit.

“Po i bëj kërkesë pasurore juridike, dhe dua të shtoj se i akuzuari nuk e ka fshirë komentin as pas ngritjes së aktakuzës. Kështu ka qenë 10 ditë pas ngritjes së aktakuzës. E lus Gjykatën, ta marr parasysh gjendjen ekonomike të të pandehurit”, tha Kika. 

Ndërsa mbrojtja e të pandehurit, avokati Bedri Abdullahu i kërkoi Gjykatës t’i shqiptoj dënim me gjobë të pandehurit.

“Me rastin e shqiptimit të dënimit nga ana e Gjykatës, kërkoj që të shqiptoj një dënim sa më të ulët për të mbrojturin tim, duke pas parasysh se në këtë rast, nuk kemi asnjë rrethanë rënduese, e që kemi shumë rrethana lehtësuese, atë si pranimi i fajësisë, pendimi i sinqertë, bashkëpunimi me organet e drejtësisë. Të shqiptoj dënim me gjobë, atë në minimumin e mundshëm”, ka thënë ai.

E i pandehuri Kyçyk tha se nuk ka pasur ndonjë qëllim për të dëmtuarin. Tha se kur e ka bërë komentin ka pasur probleme familjare.

Edhe Kronikë 27 pri 2026 Ndalohet një i dyshuar për kërcënimin e gazetarit Betim Musliu dhe redaksisë së “Betimit për Drejtësi”

“Pajtohem, ju kërkoj falje të gjithëve dhe personit në fjalë. Nuk kam pasur ndonjë qëllim për personin. Nuk e kam njohur as personin, as gazetën. Kur e kam bërë atë koment, kam pasur probleme familjare”.