14:10 Kuvendi në pushim deri në orën 18
Për shkak të nevojës që Kuvendi të funksionojë në përbërje që të marrë vendime të ligjshme, pra të ketë kuorum, kryesuesi i seancës, Xhavit Haliti, propozoi një pushim deri në orën 18:00.
Për vazhdim, seanca ka në rend të ditës çështje me rëndësi dhe pika që shtyhen nga mbledhja në mbledhje, e që s’përfundojnë, raporton Koha.net.
Deputetët e pranishëm u pajtuan që të mbahet në këtë orë.
13:08 63 deputetë janë në sallë. Votimi tashmë vetëm ka filluar.
Edhe
S’nis seanca, Konjufca: Mos caktoni mbledhje të komisioneve kur ka seanca
Kryeparlamentari Kadri Veseli, po kërkon unitet nga deputetët për t'i votuar Projektligjet në rend dite.
12:45 Nis seanca e Kuvendit, por ende s’ka numër të mjaftueshëm deputetësh
Ka nisur seanca e Kuvendit të Kosovës, pavarësisht mungesës së numrit të mjaftueshëm të deputetëve të pranishëm.
Kryeparlamentari, Kadri Veseli, njoftoi se seanca do të fillojë edhe me këtë numër që ka, ndërsa procesi i votimit do të nisë kur në sallë të jenë së paku 61 deputetë.
12:31 Ende s’mund të nisë seanca e Kuvendit, janë vetëm 51 të pranishëm
Ka nisur seanca plenare në Kuvendin e Kosovës, por edhe për herë të dytë, s’ka kuorum për t’u mbajtur. Në sallë janë vetëm 51 deputetë.
Mbledhja e Kuvendit të Kosovës, e ndërpreu dje për mungesë kuorumi dhe e caktuan të vazhdonte sot në orën 11:00, por ende s’ka filluar.
Në fakt, ajo qe shtyrë për 10 minuta, për të pritur ardhjen e numrit të mjaftueshëm të deputetëve për vendimmarrje të ligjshme, por kaloi mbi 1 orë dhe tani në sallë, siç njoftoi kryetari i Kuvendit Kadri Veseli, janë të pranishëm vetëm 51 deputetë. Pra, numër i pamjaftueshëm për të marrë vendime të ligjshme, raporton Koha.net.
Edhe
Ende pa filluar seanca në Kuvend, shkon në pauzë 20 minutëshe
Ai, tha se do të presin të vijnë deputetë të tjerë dhe tani ata janë në pritje.
Opozita, LDK-ja, VV-ja e PSD-ja, më herët kanë paralajmëruar mungesën e tyre në mbledhjet e Kuvendit, deri sa nuk vihet në rend të ditës mbledhja e thirrur nga ta, për të mos lejuar Hashim Thaçin të jetë kryenegociator në bisedimet me Serbinë, sepse sipas tyre, po kërcënohet integriteti territorial.
