Kuvendi i Serbisë do të mbajë seancë të jashtëzakonshme në lidhje me Kosovën. Seanca do të mbahet më 22 qershor dhe në të do të raportojë presidenti i Serbisë, Aleksandar Vuçiq, ka bërë të ditur kryeparlamentari i këtij vendi, Ivica Daçiq, përcjell b92.net të mërkurën.
Sipas Daçiqit, Vuçiqi do të informojë deputetët me gjitha detajet e procesit të deritashëm të dialogut Kosovë – Serbi.
Kjo seancë do të mbahet një javë pas takimit të parë mes kryeministrit të Kosovës, Albin Kurti dhe Vuçiqit.
Takimi do të mbahet në Bruksel më 15 qershor.
