Kurti takon ndaras, Jan Braathun e Laszlo Markusz

Gjatë ditës së sotme kryeministri Albin Kurti ka takuar ndaras ambasadorin e OSBE-së, Jan Braathu dhe ambasadorin hungarez, Laszlo Markusz.

Përmes një komunikate për media bëhet e ditur se Kurti, bashkë me ministren e Administrimit të Pushtetit Lokal, Emilija Rexhepi, takuan ambasadorin e OSBE-së Jan Braathu dhe këshilltarin e tij, Senad Saboviq.

Nga takimi u kuptua që gatishmëria për të vazhduar bashkëpunimin është e madhe dhe se edhe Qeveria e Kosovës por edhe OSBE-ja janë të gatshme të intensifikojnë punën në tema jetike për jetën e qytetarëve.

Tutje thuhet se Kurti, së bashku me zëvendëskryeministrin, Haki Abazi, takuan sot ambasadorin hungarez, Laszlo Markusz, i cili ishte i shoqëruar nga Krisztina Szabo, atashe ekonomike dhe Dafina Arapi.

Fokusi i këtij takimi përveç marrëdhënieve bilaterale dhe miqësore në mes të dy vendeve tona ishte si dhe ai i zhvillimit.

Të dy palët u dakorduan që takimet t’i vazhdojnë edhe në të ardhmen dhe kështu ta rrisin bashkëpunimin.