Kryeministri në detyrë Albin Kurti ka zhvilluar të enjten një drekë pune të përbashkët me ambasadorin e Finlandës, Matti Nissinen, ambasadorin e Suedisë, Jonas Westerlund, ambasadoren e Holandës, Karin Boven, ambasadorin e Belgjikës, Grégoire Cuvelier dhe shefin e misionit në Ambasadën e Luksemburgut, Eric Dietz.
Në takim thuhet se është diskutuar rreth zhvillimeve të fundit në vend.
“Diskutuan bashkë rreth zhvillimeve të fundit në vend, përfshirë procesin e konstituimit të Kuvendit dhe formimin e institucioneve të legjislaturës së nëntë, dhe tema tjera me interes në kuadër të komunikimeve dhe shkëmbimeve të rregullta ndërmjet Qeverisë dhe shteteve partnere”, thuhet në njoftimin e Zyrës së Kryeministrit.
Në njoftim thuhet se Kurti ka shprehur mirënjohjen e tij për raportet e mira dhe për mbështetjen e vazhdueshme të këtyre shteteve ndaj Kosovës, siç thuhet, sidomos në proceset integruese në Bashkimin Evropian dhe NATO.
Takimi thuhet se është zhvilluar pas ftesës së ambasadorit të Finlandës në Kosovë.
