Kryeministri i Kosovës, Albin Kurti, ka kujtuar masakrën e Poklekut dhe Çikatovës së Vjetër në Drenicë, në 23-vjetorin e kësaj masakre, ku mbetën të vrarë 77 shqiptarë civilë të paarmatosur, mes tyre edhe fëmijë.
Kurti ka thënë se këto krime të kryera nga forcat serbe nuk mund të zhduken e as të harrohen dhe mbeten dëshmi pavarësisht përpjekjeve të Serbisë për t’i zhdukur gjurmët e krimit në Kosovë.
“Midis tyre pesë foshnja, nga gjashtë muaj e deri në dy vjeç. Për shtetin serb që po zbatonte planin e gjenocidit ndaj shqiptarëve nuk kishte rëndësi mosha. Pasi i vranë, trupat e viktimave të Masakrës së Paklekut i dogjën bashkë me shtëpitë. Disa i dogjën dy herë e disa i hodhën në puse. Ndërsa trupat e viktimave të Masakrës së Çikatovës i dërguan në varrezën masive në Rudnicë të Rashkës në Serbi. Ishin përpjekje të forcave të armatosura serbe për të zhdukur gjurmët e krimit të Serbisë në Kosovë. Por këto krime nuk mund të zhduken. E as të harrohen. Mbeten dëshmi radhët e varreve dhe dhimbja në shpirtra”, ka shkruar Kurti në Facebook.
-
Përkujtohen 77 civilët e masakruar në Poklek dhe Çikatovë të Vjetër
-
Kurti: Masakra e Poklekut është dëshmi e gjenocidit të Serbisë
-
Kurti kërkon hapjen e arkivave në 25 vjetorin e masakrës në Çikatovë të Vjetër
-
Kurti kujton të vrarët në Polac gjatë luftës: S’do të ndalim së kërkuari drejtësi për viktimat
-
Osmani në përvjetorin e masakrave në Poklek e Çikatovë: Ekzekutorët po shpërblehen