Kurti në takimin e grupit punues për vettingun, KPK-ja e KGJK-ja e bojkotojnë

Ka nisur takimi i kryeministrit Albin Kurti me grupin punues për hartimin dhe finalizimin e legjislacionit për vetting.

Por në këtë takim, nuk po marrin pjesë Këshilli Prokurorial i Kosovës dhe Këshilli Gjyqësor i Kosovës.

Këto dy trupa, më herët kanë shprehur shqetësimin me gjuhën, sipas tyre fyese të Qeverisë ndaj prokurorëve dhe gjyqtarëve.

Në një takim të mëhershëm të këtij grupi punues, përfaqësuesi i KPK-së kishte lëshuar mbledhjen, pasi sipas tij, Qeveria nuk është distancuar nga zv.ministri i Drejtësisë, Blerim Sallahu, për deklaratën se “vetë prokurorët janë të involvuar në veprime kriminale”.

{gallery}