Kryeministri Albin Kurti, të enjten ka pritur në takim kryesuesin e Këshillit Gjyqësor të Kosovës (KGJK), Albert Zogaj.
Sipas një njoftimi për media të Qeverisë, temë e takimit ishin planifikimet e KGJK-së për efikasitetin dhe efektivitetin e sistemit gjyqësor, rezultatet e deritanishme të Gjykatës Komerciale pas funksionalizmit të saj, reformat në drejtësi dhe gjithashtu funksionimi i Gjykatës në Mitrovicën Veriore.
“U dakorduan për intensifikimin e bashkëpunimit rreth reformës në drejtësi, si dhe çështjeve të tjera, të cilat kanë të bëjnë me forcimin e sundimit të ligjit”, thuhet në njoftim.
Në këtë takim, Kurti thuhet se ishte i shoqëruar nga ministrja e Drejtësisë, Albulena Haxhiu dhe zëvendësministri, Blerim Sallahu, ndërkaq nga Këshilli Gjyqësor i Kosovës, përveç kryesuesit, e pranishme ishte edhe anëtarja e KGJK-së, Drita Rexhaj.
-
Kurti mirëpret Begajn në 18-vjetorin e Pavarësisë, ritheksojnë zgjerimin e bashkëpunimit
-
Sundimi i ligjit e formimi i institucioneve në fokus të takimit të Kurtit me ambasadorin britanik dhe atë suedez
-
Zogaj: Zgjedhja e anëtarëve të rinj në KGJK do të jetë transparente dhe pa asnjë lloj ndërhyrje
-
Ambasadori britanik Hargreaves takohet me Kurtin, bisedojnë për zgjedhjet dhe dialogun
-
Kurti takon QUINT-in: Kosova i ka plotësuar kriteret për anëtarësim në Këshill të Evropës