Presidentja Vjosa Osmani dhe kryeministri në detyrë, Albin Kurti, kanë uruar ekipin e Kosovës për fitoren në ndeshjen ndaj Suedisë.
Osmani në Facebook ka shkruar “Me Kosovën përgjithmonë”.
Ndërkaq Kurti ka thënë se ky është rezultati më i mirë që Kosova ka pasur ndonjëherë ndaj Suedisë, e më i miri i mundshëm pas ndeshjes me Zvicrën.
“Kosova jonë me një fitore të jashtëzakonshme, që nuk vonoi shumë në këto ndeshje kualifikuese për Kupën e Botës 2026. Jemi të dytët në grup. Gëzuar”, ka shkruar ai.
Kosova fitoi ndaj Suedisë me rezultat 2:0.