Kryeministri i Kosovës, Albin Kurti, uroi Shqipërinë dhe Maqedoninë e Veriut për nisje të negociatave për anëtarësim në Bashkimin Evropian.
Ai shkroi në Twitter të martën, se Kosova i feston arritjet historike.
“Kosova feston arritjet tuaja historike dhe bashkohet me angazhimin tuaj drejt reformave që do të transformojnë vendet tuaja dhe do të forcojnë rajonin dhe Evropën tonë”, shkroi Kurti.
Presidentja Vjosa Osmani gjithashtu i uroi dy vendet, derisa bëri thirrje që Bashkimi Evropian të marrë vendim për liberalizim të vizave.
“Ne u bëjmë thirrje vendeve anëtare të Bashkimit Evropian që ta dorëzojnë urgjentisht vendimin e vonuar për liberalizimin e vizave për qytetarët tanë”, shkroi Osmani në Twitter.
Artikuj të ngjashëm
-
Osmani uron Shqipërinë e Maqedoninë, kërkon heqjen e vizave për Kosovën
-
Kurti uron Shqipërinë: Nga hapja e kapitullit të parë për anëtarësim në BE përfiton edhe Kosova
-
Kurti: Hapi drejt BE-së, konfirmim i progresit të Kosovës
-
Biden: Hapja e negociatave për Shqipërinë e Maqedoninë, t’i frymëzojë shtetet e tjera të Ballkanit
-
Opozita në Kosovë uron Shqipërinë e Maqedoninë e Veriut për nisjen e negociatave