Kryeministri i Kosovës, Albion Kurti në Formun Strategjik të Bledit është takuar me presidentin e Sllovenisë, Borut Pahor
Kurti ia ka shprehur Pahorit mirënjohjen për angazhimin e Sllovenisë për liberalizimin e vizave për Kosovën.
“Avancimi i marrëdhënieve ndërmjet Republikës së Kosovës dhe Republikës së Sllovenisë, ishin tema e takimit ndërmjet Kryeministrit të Republikës së Kosovës, Albin Kurti, me Presidentin e Republikës së Sllovenisë, Borut Pahor. Në takimin e mbajtur në margjina të Forumit Strategjik të Bledit, Kryeministri Kurti falënderoi Presidentin Pahor për përkrahjen e vazhdueshme të Sllovenisë, një vend mik dhe partner strategjik i Kosovës. Ai shprehu mirënjohje për angazhimin e Sllovenisë lidhur me liberalizimin e vizave për Kosovën dhe anëtarësimin e vendit në organizata ndërkombëtare. Kryeministri Kurti ritheksoi qëndrimin e Republikës së Kosovës ndaj nismave politike që krijojnë konfuzion e ndarje në Ballkan, ndërsa konfirmoi përkushtimin e Kosovës për agjendën e BE-së dhe marrëdhëniet transatlantike. Ai vlerësoi faktin që Sllovenia udhëheq me presidencën e BE-së dhe mirëpret vullnetin për angazhimin e Sllovenisë për të mbështetur Republikën e Kosovës në synimet e saj për integrim euroatlantik”, thuhet nga Zyra e Kryeministrit.
Presidenti i Sllovenisë, Pahor ka thënë se gjatë presidencës së BE-së, që ka filluar në korrik, një ndër prioritetet e Sllovenisë është Ballkani Perëndimor dhe zgjerimi i Bashkimit Evropian.
-
Plenkoviqi takohet me Kurtin: Kroacia, mbështetëse e Kosovës në integrimin evropian
-
Kurti e Golob zhvillojnë takimin e parë dypalësh, potenciali ekonomik ndër temat e diskutimit
-
Kurti: Njohja reciproke, parakusht drejt BE-së
-
Kurti udhëton në Bled të Sllovenisë, sonte takohet me kryeministrin slloven
-
Kurti takohet me Plenkoviqin, diskutojnë për dialogun Kosovë – Serbi