Kryeministri i Kosovës, Albin Kurti, është takuar të shtunën me homologun nga Kroacia, Andrej Plenkoviq, në margjinat e Konferencës së Sigurisë në Munih.
Sipas pamjeve të publikuar nga Radiotelevizioni i Kosovës, gjatë bisedës së shkurtër para nisjes së takimit zyrtar, Kurti i ka bërë të ditur homologut kroat se pas zgjedhjeve të fundit, tashmë gëzon një shumicë solide për të qeverisur.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga ana e tij, Plenkoviqi e ka uruar Kurtin për mandatin e ri, ndërsa të dy liderët janë përshëndetur para se të hynin në sallën e rezervuar për takimin bilateral.
Nga Kryeministria më vonë u njoftuar se në takimin mes tyre u bisedua rreth situatës në rajon, sigurisë dhe mbrojtjes, bashkëpunimit bilateral dhe luftimin e krimit të organizuar. Si dhe njoftohet se u diskutua edhe për mundësinë e një mbledhje të përbashkët mes dy qeverive.
Në margjinat e Konferencës, Kurti gjatë ditës së djeshme u takua edhe me sekretarin e Shtetit për Punë të Brendshme të Gjermanisë, Hans-George Engelke. Me të diskutoi për mundësitë për thellimin e mëtejmë të bashkëpunimit bilateral, edhe në fusha si siguria dhe lufta kundër krimit.
Presidentja Vjosa Osmani e anuloi pjesëmarrjen në këtë Konferencë shkaku i angazhimeve të brendshme.
Plenkoviqi flet me Kurtin për statusin e pakicës kroate në Janjevë
Kryeministri i Kosovës dhe ai i Kroacisë kanë zhvilluar takim në margjinat e Konferencës së Sigurisë në Munih të shtunën, e ku kanë biseduar për disa çështje.
Një nga temat e diskutuara mes Albin Kurtit e Andrej Plenkoviqit ishte statusi i pakicës kroate në Janjevë.
Ndërkohë, Plenkoviqi ka uruar Kurtin për rizgjedhjen si kryeministër derisa ka theksuar se Kroacia vazhdon ta mbështesë Kosovën në rrugën drejt BE-së.
“Ne vazhdojmë t’i forcojmë marrëdhëniet bilaterale dhe e mbështesim rrugën evropiane të Kosovës. Gjatë Konferencës së Sigurisë në Munih diskutuam situatën në rajon, sfidat e sigurisë dhe statusin e pakicës kroate në Janjevë”, ka shkruar Plenkoviq në X.
Kroacia në të kaluarën ka kërkuar që komuniteti kroat në Kosovë të njihet me Kushtetutë si pakicë.