Nga kjo deklaratë e Albin Kurtit të bërë ditë më parë, është prekur presidenti serb Aleksandër Vuçiq, i cili e renditi edhe si arsye të bojkotimit të takimit me homologun kosovar.
Madje, pala serbe këtë e sheh si ofendim e kërcënim.
Por, vetë lideri i Vetëvendosjes Albin Kurti, i ka quajtur pretekste të pabesueshme këto që i ka renditur Vuçiqi, raporton KTV.
Ai tha se miqësia mes presidentit Thaçi e Vuçiqit është më e thellë se kaq.
Lideri i Vetëvendosjes ka folur edhe për bashkëpunimin me LDK-në. Tha të jenë në koordinim të vazhdueshëm me partinë e Isa Mustafës edhe për protesta për të cilat ka siguruar se do të jenë paqësore.
LDK-ja ka zgjedhur të mos flasë për protestat, por kanë komentuar dështimin e takimit të presidentëve në Bruksel.
Edhe
Palokaj: Sipas BE-së, asnjëherë s’ka pasur takim më të mirë Kurti-Vuçiq
LDK-ja vlerëson se presioni i opozitës për miratimin e Rezolutës, përmes së cilës do të ndalej procesi i pazareve me kufijtë e Kosovës, ka dërguar sinjal në Bruksel se Thaçi nuk mund të bisedojë për këtë temë.
LDK-ja u bën thirrje të gjitha partive politike parlamentare që të marrin pjesë në seancën e jashtëzakonshme, të ftuar nga opozita dhe ta miratojnë Rezolutën që lidhet me mbrojtjen e sovranitetit të vendit.
