Kryetari i Hanit të Elezit i pari dorëzon deklaratën për pasuri

Rreth 70 kilometra rrugë i ka bërë kreu i Hanit të Elezit, Refki Suma, për të dorëzuar këtë aplikacion me të dhënat për pasurinë e tij, raporton KTV .

Ai është ndër të parët që ka deklaruar pasurinë e tij, që përveç se obligim ligjor, thotë ta ketë edhe obligim moral.

Por ai ka mëdyshjet e tij se politikanët nuk janë realë në atë që shkruajnë në këta formularë për pasuritë që posedojnë.

Numri i atyre që kanë obligim të publikojnë pasurinë është rreth 5 mijë.

Sidoqoftë, edhe këtë vit, për mosdeklaruesit e pasurisë do të pësojë kallëzimi penal, por zyrtarët e Agjencisë Kundër Korrupsionit janë të pakënaqur me trajtimin e lëndëve të tyre nga prokuroritë dhe gjykatat e Kosovës, ndonëse këtë vit thonë se ka një ndihmesë nga ana e prokurorisë për ngritjen e kallëzimeve penale.

Edhe kësaj radhe kontrolli i pasurisë do të bëhet në formën e shortit, ku vetëm 20 për qind të tyre do të verifikohen.

Edhe Arbëri 31 mar 2026 Pak orë deri në mbyllje të afatit, ende qindra zyrtarë publikë s’e kanë deklaruar pasurinë

Dhe pavarësisht që gjatë kontrollit të vjetshëm shpeshherë pasuritë nuk janë përputhur dhe ka pasur deklarim të rrejshëm, Agjencia thotë të mos ketë parë ndonjë penalizim për këta zyrtarë.

Data e fundit për deklarimin e pasurisë është 31 marsi.