Krasniqi ia shpreh Szunyogut shqetësimin për pengesat që Serbia po ia vendos Kosovës

Ministri i Tregtisë dhe Industrisë, Vesel Krasniqi, gjatë takimit me shefin e Zyrës së BE-së në Kosovë, Tomas Szunyog, ka shprehur shqetësimin për pengesat që Serbia po ia vendosë produkteve të prodhuara në Kosovë.

Ai ka ushtruar nga BE-ja që të ushtrojë autoritetin që Serbia t’i respektojë marrëveshjet e arritura për lëvizjen e lirë të mallrave.

“Kërkoj nga BE-ja që ta ushtrojë autoritetin e vet tek Serbia që t’i respektojë marrëveshjet e arritura për lëvizje të lirë të mallrave në CEFTA”, ka deklaruar Krasniqi.

Ambasadori i BE-së, Szunyog ka shprehur gatishmërinë për të vazhduar mbështetjen e Kosovës për të pasur një ekonomi më të qëndrueshme dhe zhvillim më të madh në këtë drejtim, si dhe fondin nga BE-ja për rimëkëmbje ekonomike prej 5 milionë eurosh në kuadër të ndihmës për tejkalimin e pandemisë COVID-19.