Shefi i grupit parlamentar të PDK-së, Memli Krasniqi, ka deklaruar se PDK është kundër zgjedhjeve por është gati për zgjedhje, për të cilat nuk vendoset nëpër tryeza por në Kuvendin e Kosovës.
Ai në tryezën e subjekteve politike ka thënë se Albin Kurti, si organizator i tryezës e ka devijuar qëllimin e tryezave që jemi dakorduar për të vazhduar tryezat.
“Në asnjë prej tryezave tjera nuk kemi diskutuar për zgjedhjet. Edhe diskutimi juaj nuk ishte në frymën e konsensusit, më shumë ishte shfryrje e juaja zotëri Kurti. Këto tryeza s’janë menduar si zëvendësim i Kuvendit. Ndërsa ju sot keni thirr tryezë për të organizuar zgjedhjet. PDK është kundër zgjedhjeve por është gati për zgjedhje. Por zgjedhjet nuk organizohen me tryeza. Kosovës sot i duhet konsensus por nuk i duhen zgjedhjet, besa as ju nuk jeni për zgjedhje, tema e sotme është farsë”, tha ai.
Ai i tha Kurtit që nëse duan zgjedhje, le ta niseni mocionin e mosbesimit në Kuvend, dhe pasi t’i bëjnë 61 vota, vendi shkon në zgjedhje.
-
Krasniqi thotë se do t’i shkojë Kurtit në takim: E inkurajoj që të reflektojë
-
Krasniqi: Situata mund të ndryshojë nëse kryeministri e ministrat japin dorëheqje
-
Hiqet dorë nga zgjedhjet e parakohshme
-
PDK: Sot është ezauruar mundësia për shkuarje në zgjedhje të parakohshme
-
Pak pritje për zgjedhje të parakohshme