Kryetarja e Komisionit Qendror të Zgjedhjeve, Valdete Daka, ka kërkuar që të shfrytëzohet afati maksimal kushtetues për shpalljen e datës për zgjedhjet e reja parlamentare. Kjo është kërkuar nga Daka me qëllim që KQZ-ja të organizohet në mënyrë më të duhur. Organizimin e zgjedhjeve ajo e ka quajtur si mjaft sfidues.
“Pas situatës së krijuar pas aktgjykimit nga Gjykata Kushtetuese, ne jemi të vetëdijshëm që zgjedhjet janë të pashmangshme. Ne do të presim datën e shpalljes së zgjedhjeve, por kisha dashur t’u vihet parasysh institucioneve relevante që të shfrytëzohet afati maksimal i dhënë kushtetues për datën e shpalljes së zgjedhjeve, sepse kemi festat shtetërore para nesh. Ne ende nuk e kemi një buxhet të alokuar, as të aprovuar me sa e di unë, kështu që do të jetë goxha e sfidueshme gjithë kjo situatë, sidomos për faktin që jemi në prag të festave kur e dimë që asnjë institucion praktikisht nuk punon dhe ne do të mbetemi i vetmi institucion, i cili do të jetë në detyrë në ditët në vijim”, ka deklaruar Daka, përcjell Kosovapress.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAnëtarët e tjerë të KQZ-së kanë diskutuar në këtë mbledhje lidhur me krijimin e aplikacionit që do ua mundësojë mërgimtarëve të votojnë në zgjedhjet e ardhshme. Anëtari i Lëvizjes Vetëvendosje, Sami Kurteshi, ka thënë se aplikacioni do ia lehtësonte punën edhe KQZ-së derisa ai i Lidhjes Demokratike të Kosovës, Sami Hamiti, ka thënë se çështja e krijimit të aplikacionit është duke u trajtuar në komisionet e Kuvendit të Kosovës.