Kryesuesi i Këshillit Prokurorial të Kosovës (KPK), Blerim Isufaj, i shoqëruar nga drejtori i Sekretariatit, Lavdim Krasniqi, në kuadër të fillimit të vizitave nëpër të gjitha prokuroritë e Republikës së Kosovës, ka vizituar Prokurorinë Themelore të Mitrovicës dhe atë të Ferizajt, ku është takuar me Kryeprokurorin, prokurorët dhe stafin administrativ të kësaj prokurorie, njofton kumtesa, transmeton Koha.net.
Kryesuesi Isufaj, gjatë këtyre vizitave, është njoftuar me punët që janë duke i bërë këto prokurori, me sfidat që po ballafaqohen dhe kushtet e përgjithshme për punë të këtyre prokurorive.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPo ashtu, kryesuesi Isufaj ka shikuar nga afër nevojat që i kanë departamentet e këtyre dy prokurorive.
Kryesuesi i KPK-së ka thënë se Këshilli Prokurorial është duke punuar vazhdimisht në sigurimin e kushteve sa më të mira për punë dhe në shtimin e kapaciteteve njerëzore. Ai tha se rekrutimi i 25 prokurorëve të rinj të bërë vitin e kaluar dhe shpallja e konkursit për zgjedhjen edhe të 18 prokurorëve, do të ndikojnë në rritjen e efikasitetit të punëve nëpër prokurori.
Kryesuesi përmendi edhe angazhimin e KPK-së për rekrutimin që është duke e bërë për zgjedhjen e stafit mbështetës që do të ndihmojnë në punën e prokurorëve.
Kryesuesi i KPK-së, Blerim Isufaj, do të vazhdojë me vizitat në të gjitha instancat e prokurorive të Republikës së Kosovës.