Vizitorët nga Kosova i janë rikthyer Vlorës. Në kohën kur bregdetin e Durrësit tashmë e kanë prenotuar rusët dhe skandinavët, kosovarët duket se këtë verë do të vendosen në Vlorë.
Pas mungesës së sezonit të kaluar kur zbritën më në jug, duke kaluar Qafën e Llogarasë, kosovarët po rikthehen në Vlorë edhe në këto ditë të pranverës, fillimisht me paketa turistike treditore, ndërsa kanë nisur edhe prenotimet për periudhën e verës, shkruan sot “Koha Ditore”.
Nga turizmi spontan, kur u duhej t’i gjenin vetë hotelin dhe destinacionet, turistët nga Kosova që zgjedhin bregdetin shqiptar po shkojnë gjithmonë e më shumë tek pushimet e planifikuara. Rreth 800 turistë nga Kosova kanë qëndruar në fundjavë në Vlorë, që përkonte me festën e Pashkës ortodokse.
“Deri tani kemi qëndruar me ofertë vetëm për pushimet e fundjavës, më tepër për të vizituar vendet historike dhe për të kaluar një ditë në det me anije”, thotë një përfaqësues i agjencive turistike nga Kosova.
(Artikullin e plotë mund ta lexoni sot në “Koha Ditore”)
-
Fundjava me diell mbush Vlorën me turistë nga Kosova
-
60 mijë qytetarë të Kosovës shkuan në Shqipëri gjatë vikendit
-
Vetëm të dielën kanë hyrë në Shqipëri rreth 30 mijë qytetarë nga Kosova
-
Shqiptarët e Kosovës ndër turistët e parë në plazhin e Sarandës
-
Radhë të gjata në dogana, pushuesit nga Kosova festojnë Bajramin në bregdetin shqiptar