Presidentja Vjosa Osmani do ta përfaqësojë Kosovën në samitin e krerëve të shteteve të Organizatës Ndërkombëtare të Frankofonisë.
Gjatë qëndrimit të Tunizi Osmani do të mbajë fjalim në një nga diskutimet e Frankofonisë dhe do të zhvillojë takime me liderë të tjerë të shteteve anëtare, ka njoftuar Presidenca.
Në samit do të diskutohen sfidat e përbashkëta politike dhe ekonomike, forcimi i bashkëpunimit frankofon, avancimi i të drejtave të njeriut, arsimi, kultura dhe demokracia.
Ndërkohë që në samit do të jetë pjesëmarrëse, Serbia ka reaguar lidhur me praninë e palës kosovare aty. Ministri serb i Punëve të Jashtme, Ivica Daçiq, ka thënë se prania e Kosovës nuk e ndryshon çështjen e njohjes së pavarësisë së saj nga Serbia.
Kosova është anëtare e asociuar e Organizatës së Frankofonisë nga viti 2018.
-
Osmani në Francë: Kosova e përkushtuar për fuqizim të pozitës ndërkombëtare
-
Osmani në Francë për samitin e krerëve të Organizatës së Frankofonisë
-
Osmani në Samitin e BE-së dhe Ballkanit Perëndimor do të kërkojë integrimin e Kosovës
-
Osmani takohet me liderë botërorë në Samitin e Frankofonisë
-
Osmani i çmon si të shkëlqyera marrëdhëniet me Katarin