Me një minutë heshtje për gruan që u vra në Pejë ka nisur dita e dytë e Forumit për Gratë, Paqen dhe Sigurinë.
Kryetari i Kuvendit të Kosovës, Glauk Konjufca, ka thënë se duhet të ketë konsolidim të mekanizmave të sigurisë dhe gjyqësisë që rastet e tilla të mos ndodhin.
“Vërtetë sot u zgjuam me një lajm të trishtueshëm. Vrasja edhe e një gruaje tjetër në qytetin e Pejës pas asaj në Ferizaj. Ajo që duhet të ndodhë është vërtetë konsolidimi i mekanizmave tonë të sigurisë e gjyqësisë që rastet e tilla të mos ndodhin”, ka thënë ai.
Një grua dyshohet të jetë vrarë në Pejë nga bashkëshorti i saj, mëngjesin e së martës.
Një tjetër grua është vrarë të premten e javës së kaluar në Qendrën për Punë Sociale në Ferizaj nga bashkëshorti i saj.
Artikuj të ngjashëm
-
Të mërkurën ditë zie në kujtim të vajzave e grave të vrara
-
Mblidhen institucionet e drejtësisë pas vrasjes të dy grave për pesë ditë
-
Reagime për vrasjen e gruas në Pejë, situata cilësohet alarmante
-
Vritet një grua, arrestohet bashkëshorti
-
VV-ja nis mbledhjen e nënshkrimeve për seancë të jashtëzakonshme pas vrasjes së Arlinda Zekajt