Varianti Omicron, i identifikuar tashmë në shumë vende të botës, ka mbërritur edhe në Shqipëri. Lajmin e ka konfirmuar drejtoresha e ISHP-së, Eugena Tomini, në mbledhjen e Komitetit Teknik të Ekspertëve.
Në këtë mbledhje u bë e të ditur se aktualisht në Shqipëri janë konfirmuar dy raste me variantin Omicron.
Drejtoresha e ISHP-së tha se dyshimi për prezencën e tij në Shqipëri është konfirmuar pas analizave të kryera në Gjermani. Tha se edhe pse ky variant i virusit është konfirmuar në vend, aktualisht, vazhdon të jetë dominues varianti tjetër, Delta.
Tomini theksoi se në bazë edhe të raportimeve, në Shqipëri situata epidemiologjike është e qëndrueshme në dy javët e fundit. Tomini bëri apel më tej që të respektohen masat e vendosura, si dhe të përshpejtohet procesi i vaksinimit për të rritur imunitetin e popullatës.
-
IKSHPK-ja paralajmëron se dy variante të Omicronit po përhapen me shpejtësi në Kosovë
-
IKSHPK: Omicroni po vazhdon të përhapet dhe është variant dominues, mbani maskat
-
Konfirmohen nëntë raste me Omicron në Kosovë
-
Kosova “kufizohet” nga Omicroni
-
Zbulohet rasti i parë i variantit Omicron në Maqedoni të Veriut