Koncerti “Festo me yje”, mbushi me qytetarë sheshin më të ri të Prishtinës

Për dallim nga viti i kaluar që pandemia Covid-19 kishte bërë që shumë qytetarë ta prisnin festën e Vitit të Ri në shtëpitë e tyre, këtë vit sheshi i zgjatur i Prishtinës ka qenë i stërmbushur nga qytetarët. Me shpresën se Viti i Ri do të sjellë ndryshime për të mirë, ata kanë festuar deri në orët e vona. Ajo që u vu re ishin turistët të cilët kishin preferuar t’i kalonin festat e fundvitit në Prishtinë

Për ta pritur ndërrimin e motmoteve Komuna e Prishtinës ka organizuar programin festiv “Festo me yje” në sheshin më të ri të Prishtinës.

Shumë qytetarë kanë qenë prezentë në këtë koncert cili filloi nga ora 23:00.

Temperaturat e ulëta nuk i penguan qytetarët e shumtë të bëhen bashkë për festë.

Disa minuta para mesnatës, kryetari Rama, mori fjalën në skenë ku bashkë me të gjithë pjesëmarrësit, u bë numërimi mbrapsht i 10 sekondave para vitit 2023.

Qytetarët shpresojnë që Viti i Ri të jetë më i mirë sesa ai 2022. Shpresojnë që këtë Vit të Ri të ketë më pak sfida.

Në festën e mbrëmshme ka pasur edhe shumë vizitorë të huaj që Vitin e Ri preferuan ta prisnin në Prishtinë.

koncertin e organizuar nga Komuna e Prishtinës morën pjesë shumë emra të njohur të estradës kosovare.