Komuna e Vushtrrisë bën thirrje të anashkalohet magjistralja Prishtinë-Mitrovicë, tregon rrugë alternative

Komuna e Vushtrrisë ka bërë thirrje që anashkalohet magjistralja Prishtinë-Mitrovicë për shkak fluksit të madh të veturave.

Ata tutje kanë treguar një rrugë alternative përmes së cilës, mund të shmangin ngarkesën e krijuar në rrugën kryesore.

“Ngarkesa e madhe e rrugës magjistrale Prishtinë-Mitrovicë për shkak të rritjes së fluksit të makinave por edhe për shkak të punimeve që po bëhen nga Ministria e Infrastrukturës, ka shtyrë Komunën e Vushtrrisë që të gjejë rrugë alternative”, thuhet në njoftim.

Komuna e Vushtrrisë përmes një kumtese për media iu ka bërë thirrje shoferëve të automjeteve nga Vushtrria por edhe nga Mitrovica që të përdorin rrugë alternative rrugën R 220 rruga Pestovë-Bukosh dhe anasjelltas, me qellim që ti shmangen ngarkesës dhe ta lehtësojnë trafikun.