Mbështete KOHËN. Ruaje të vërtetën
Arbëri

Komuna e Rahovecit nis pranimin e kërkesave për vlerësim të dëmeve nga erërat

rahovec

Komuna e Rahovecit ka njoftuar se pas dëmeve të shkaktuara nga erërat e fuqishme të së enjtes, ka filluar pranimin e kërkesave për vlerësimin e dëmeve.

Kërkesat sipas njoftimit mund të dorëzohen në periudhën nga sot deri më datën 27 nëntor. 

Pas përfundimit të këtij afati, kërkesat nuk do të pranohen për vlerësim të dëmeve.

“Kërkesat mund të dorëzohen çdo ditë pune, nga ora 08:00 deri në 16:00, në sportelet e Komunës së Rahovecit. Kërkesa duhet t'i drejtohet: Drejtorisë për Mbrojtje dhe Shpëtim; Komisionit Komunal për Vlerësimin e Dëmeve nga Fatkeqësitë Natyrore dhe Fatkeqësitë Tjera”, thuhet në njoftim.

Dokumentet që duhet t'i bashkëngjiten kërkesës nga personat privatë janë: Kopja e letërnjoftimit të aplikuesit; Konfirmimi i llogarisë bankare; e Dëshmitë për dëmet e shkaktuara (fotografi me ngjyra). 

Ndërkohë që bizneset duhet të dorëzojnë: Letërnjoftimi i pronarit; Certifikata e biznesit; Konfirmimi i xhirollogarisë bankare të biznesit; e Dëshmitë për dëmet e shkaktuara (fotografi me ngjyra).