Komuna e Deçanit ka vazhduar edhe sot punën për të bindur grevistët që mësimi në këtë komunë të rinisë.
Në njoftimin për media të kësaj komune, bëhet me dije se “në takimin e mbajtur me përfaqësuesit e SBASHK-ut, është rënë dakord që greva të ndërpritet”.
“Përfaqësuesit e SBASHK-ut në Deçan bëjnë thirrje që nga nesër të fillojë procesi mësimor. Nga mospajtimi me situatën dhe gjendjen e krijuar në arsim, kryetari i Sindikatës në Deçan prof. Avdullah Lataj, dha dorëheqje të parevokueshme nga udhëheqësi i këtij institucioni”, njofton Komuna e Deçanit.
Kreu i komunës, Bashkim Ramosaj, ka “falënderuar përfaqësuesit e SBASHK-ut në Deçan për këtë vendim, e në veçanti prof. Avdullah Lataj”.
Komuna e Deçanit, sikurse edhe pothuajse të gjithë kryetarët e Komunave që vijnë nga partia e kryeministrit të Kosovës, Ramush Haradinaj (AAK), edhe mbrëmë kishte mbledhur drejtorin e DKA-së me drejtorët e shkollave, për t’i bindur që mësimi të vazhdojë.
Gjatë ditës u raportua se situata në takimin e SBASHK-ut në këtë komunë është përcjell me tensione.
-
Pas presionit të kryetarit të Komunës, mësimi në Deçan rinis nesër
-
Pasi vendosën ta ndërprisnin grevën, mësimdhënësit e një shkolle në Deçan iu rikthyen asaj
-
Mësimdhënësit e “Lidhjes së Prizrenit” në Deçan ndërrojnë mendje, kthehen në grevë
-
Daut Haradinaj jep dorëheqje nga kryetari i AAK-së në Deçan, nis garën për Prishtinën
-
SBASHK-u thotë se kërkesat për pezullim të grevës u përmbushën “përafërsisht”