Pagesa e faturave të mbeturinave në Komunën e Pejës ende sillet rreth 50 për qindëshit të shumës së faturuar. Dhe kjo përqindje është vetëm në pjesët urbane të Pejës, derisa në pjesët rurale nuk arrin as në 20 për qind.
Në këtë nivel të ulët të pagesës janë edhe bizneset hoteliere në Rugovë, prej të cilave pak janë që paguajnë rregullisht faturat e mbeturinave, derisa amvisëria në këtë trevë ende nuk është e përfshirë në sistemin e pagesave, shkruan sot Koha Ditore.
“Bizneset në Rugovë u përgjigjen pak pagesave të faturave, sa që as 20 për qind të shërbimeve që i ofrojmë atje nuk munde t’i mbulojmë. Në muajin mars për shembull, ne i kemi shpenzuar 800 euro derivate dhe punë të punëtorëve që kemi dalë me i marrë mbeturinat nëpër biznese, e i kemi vjelë vetëm 200 euro”, thotë Nexhat Avdullahu, drejtor i kompanisë së mbeturinave “Ambienti”, e cila me kontratë i ka 23 biznese në atë trevë.
(Artikullin e plotë mund ta lexoni në numrin e sotëm të Kohës Ditore)
-
Komuna e Pejës me mbi 40 mijë euro borxh ndaj “Ambientit”
-
Rugovasit të painteresuar për shërbime të kompanisë së pastrimit
-
Peja e “mbuluar” nga mbeturinat, kompania paralajmëron shtrenjtimin e tarifave
-
Kompanitë për menaxhim të mbeturinave kërkojnë rritje të tarifave
-
Klientët kanë miliona euro detyrime ndaj kompanive, e kompanitë ndaj deponive