Kirurgët s’e ndërpresin grevën, përkundër që s’e kanë përkrahjen e Sindikatës

Greva e kirurgëve të QKUK-së ka hyrë në javën e gjashtë.

Përfaqësues të tyre thonë se nuk do ta ndërpresin grevën, derisa kërkesa e tyre të realizohet, raporton KTV.

Përfaqësuesi i grevistëve, Arbër Morina, ka thënë se kanë pasur disa takime me institucionet përgjegjëse, por që nuk kanë arritur ndonjë marrëveshje.

Ai shton se shifrat që po shfaqen në media për operacionet e anuluara janë të manipuluara.

Morina ka thënë se Federata Sindikale e Shëndetësisë nuk i përfaqëson interesat e kirurgëve.

Nga kjo Federatë, kanë thënë se greva ka përfunduar më 3 janar dhe se janë duke pritur që të miratohet ligji për pagat.

Gjithashtu, kjo Federatë thotë se nuk i mbështet kirurgët që janë në grevë.

Por, mbështetje kirurgëve u kanë dhënë qytetarët dhe pacientët në QKUK.

Thonë se pavarësisht grevës, rastet emergjente janë duke u trajtuar.