Dy kërkesa që i janë adresuar së fundmi Komunës së Prishtinës për caktimin e një lokacioni për vendosjen e lapidarëve, njëri për të vrarët prishtinas në pesëvjeçarin e parë pas Luftës së Dytë Botërore dhe tjetri për viktimat e luftës së fundit të lagjes “Sofalia”, kanë përplasur anëtarët e PSD-së dhe Vetëvendosjes në Kuvendin Komunal, shkruan sot “Koha Ditore”.
Këto kërkesa, që janë adresuar nga përfaqësues të partive të ndryshme në KK të Prishtinës, si dhe nga banorët e lagjeve përreth “Sofalisë”, janë diskutuar në një takim të Komitetit për politikë dhe financa, nëpërmjet të cilit kalojnë çështjet që duhet të shkojnë për diskutim dhe miratim në mbledhjen e radhës së KK-së.
Vala Peshku, këshilltare e PSD-së, ka thënë se duhet të analizohen mirë kërkesat për projekte të këtilla, dhe se ka nevojë të definohet se a duhet të konsultohet Komuna para se ato të vijnë për diskutim dhe miratim.
“Kur të vijnë projekte për vendosjen e lapidarëve, a duhet të konsultohet Komuna për këtë, sepse ato kanë nisur të kthehen në objekte depresive”, ka thënë Peshku.
Sami Boroci, këshilltar i AKR-së, ka thënë se kërkesat e këtilla duhet të trajtohen në një rreth më të gjerë, sepse duhet të krijohet një logjikë tjetër rreth këtyre vlerave, ndoshta përmes ngritjes së një muzeu.
(Artikullin e plotë mund ta lexoni sot në “Koha Ditore”)
-
Komuna e Prishtinës përfundon në gjykatë për tri vendime që MAPL-ja i vlerëson të kundërligjshme
-
Familjarë të viktimave të luftës duan pllakë përkujtimore në Sofali, në pritje të lejes nga komuna
-
Plani për “Kalabrinë” përplas Ramën me opozitën
-
Kërkohen varreza për kafshë në Prishtinë
-
Opozita në Prishtinë kërkon t’i shkarkojë aksionarët në ndërmarrjet publike komunale