Qendra Kosovare për Studime të Sigurisë (QKSS) bën publikimin e raportit me titull “Vlerësimi i rreziqeve në Kosovë që nga shpallja e pavarësisë-Shkurt 2008 - Qershor 2017” raport ky që është në kuadër të programit për parandalimin e ekstremizmit të dhunshëm në Kosovë.
Vesë Kelmendi, hulumtuese në QKSS, tha se ky raport bën vlerësimin e rrezikut nga ekstremizmi i dhunshëm në Republikën e Kosovës dhe i qaset atij me një model që përshtatet më së miri kontekstit të Kosovës.
“Ne i kemi analizuar rastet. QKSS ka krijuar një bazë të të dhënave me incidentet e ndodhura në vend në periudhën shkurt 2008 - qershor 2017. Raporti bën analizën e incidenteve që kanë ndodhur, ndarjen në bazë të motivit të tyre, rëndësisë dhe pasojave që ato mund të kenë dhe rreziku nga luftëtarët e kthyer në Kosovë nga konflikti i Sirisë dhe Irakut”, i tha ajo sot RTK-së.
Sipas saj janë 73 incidente që kanë ndodhur në Kosovë. Ajo ka përmendur vrasjen e një pjesëtari të EULEX-it në veri në të Kosovës.
Ky raport sipas saj, është përmbledhur nga të dhënat e departamentit të SHBA-së, të dhënat nga raportet e policisë së Kosovës, nga EUROPOL. Sipas saj incidentet që kanë ndodhur në Kosovë, nuk janë shumë me fatalitet. “Kërcënimet politike ,ende mbeten sfidë për Kosovën”, tha Kelmendi.
-
QKSS: Qytetarët vazhdojnë ta shohin ekstremizmin e dhunshëm si kërcënim për sigurinë
-
Mbi 70% e qytetarëve e konsiderojnë rrezik ekstremizmin e dhunshëm në Kosovë
-
Rikthimi i tensioneve në veri shihet si real
-
Sveçla: Siguria në Kosovë kërcënohet nga sulmet e shtyra nga grupe politike
-
Perteshi: Shkaktarë që ndikuan në përhapjen e radikalizmit – ndjenja e përkatësisë e riislamizmi