KEDS ka intensifikuar aksionet për kontrolle të keqpërdorimeve të energjisë elektrike.
Për periudhën janar-maj të këtij viti janë realizuar afër 40,000 kontrolle dhe janë identifikuar afër 2900 keqpërdorime. Krahasuar me periudhën e njëjtë të vitit të kaluar, kur humbjet në rrjet ishin 18,2%, këtë pesë-mujor humbjet kanë rënë në 16,7%.
Vetëm javën e kaluar janë realizuar afër 2000 kontrolle, prej të cilave rreth 160 ishin keqpërdorime. Në vazhdën e këtyre kontrolleve, përgjatë muajit maj, ekipet e KEDS-it kanë realizuar afër 8000 kontrolle te konsumatorët për të cilët dyshohej se po e keqpërdornin energjinë elektrike. Prej tyre afër 600 u vërtetua se po e anashkalonin matjen e saktë të energjisë elektrike.
Ekipet e kontrollit në KEDS do të vazhdojnë të implementojnë kontrollet në tërë Kosovën në baza ditore me qëllim të minimizimit të humbjeve në rrjet.
Keqpërdorimi i energjisë elektrike është i papranueshëm dhe i dënueshëm.
Rastet e tilla, ekipet e KEDS-it do t’i parashtrojnë për procedura të mëtutjeshme gjyqësore.
-
Për tetë muaj KEDS realizoi më shumë se 55 mijë kontrolle për keqpërdorime të energjisë elektrike
-
KEDS zë për një javë afër 200 konsumatorë duke e keqpërdorur energjinë elektrike
-
Përgjatë marsit, KEDS zë mbi 500 konsumatorë duke e keqpërdorur energjinë elektrike
-
KEDS: Gjatë marsit 500 konsumatorë janë kapur duke keqpërdorur rrymën
-
KEDS zë 163 konsumatorë duke e vjedhur energjinë elektrike për një javë