Komisioni i Ankesave dhe Sanksioneve ka rrëzuar vendimin e kreut të KQZ, Ilirjan Celibashi për Partinë Demokratike, duke i hapur rrugë regjistrimit të PD-së në zgjedhje.
“PD të sjellë deklaratat me firmën e Alibeajt, PD të regjistrohet me kryetar të komanduar Enkelejd Alibeajn”, njoftoi anëtari i KAS, Koli Bele.
Në vendimin e dy ditëve më parë, Komisioni Qendror i Zgjedhjeve vendosi për mosregjistrimin e Partisë Demokratike në zgjedhjet lokale në Shipëri më 14 maj.
Sipas Celibashit, kërkesa e Partisë Demokratike për t’u regjistruar në zgjedhjet lokale të 14 majit nuk mund të pranohej pasi nuk kishte bazë ligjore.
Menjëherë më pas, përfaqësuesit e të dyja grupimeve brenda PD-së ankimuan vendimin në KAS. Ky i fundit shqyrtoi të dyja çështjet këtë të enjte dhe doli me vendimin se PD mund të regjistrohet me firmën e kryetarit të saj të komanduar, Enkelejd Alibeaj./TCH
-
PD-ja në Shqipëri nuk regjistrohet për zgjedhjet e majit
-
Berisha s’mund t’i regjistrojë kandidatët për zgjedhje në Shqipëri
-
Lulzim Basha zgjidhet kryetar i PD-së në Shqipëri
-
Alibeaj mbetet në krye të PD-së, Apeli e kthen çështjen në rigjykim
-
Dështojnë negociatat, PD-ja shkon e ndarë në zgjedhjet lokale në Shqipëri