Java Globale e Sigurisë Rrugore do të shënohet me disa aktivitete

Ministria e Infrastrukturës ka njoftuar se nga sot deri më 23 maj do të organizohet java e gjashtë Globale e Sigurisë Rrugore, e cila do të shënohet me disa aktivitete.

Hapja e fushatës do të bëhet nga ora 10:00 sot zv.ministri i Mjedisit, Planifikimit Hapësinor dhe Infrastrukturës, Hysen Durmishi, do të jetë drejtori i Policisë së Kosovës, po ashtu nga MASHT-i do të jenë prezent, ndërsa do të mbahet fjalim dhe do të mbahen shenjat e kampanjës “#Love30.

Të martën nga ora 11:00 në sheshin “Zahir Pajaziti”, Prishtinë do të ketë marshim me fëmijë, duke respektuar masat antiCOVId, me pano “#Love30” dhe do të ketë shpërndarje të masave tek qytetarët, bashkërisht me Policinë e Kosovës.

E të enjten nga ora 11:00 në lagjen “Dardania” në Prishtinë, do të ketë aktivitet me fëmijë, vozitje me biçikletë ose trotinet, si dhe aktivitete tjera.

Java e sigurisë rrugore, organizohet nga Ministria e Mjedisit, Planifikimit hapësinor dhe Infrastrukturës, në bashkëpunim me AMRKS-në dhe Policinë e Kosovës.