Janjiq: Serbia, Rusia e Kina s’mund ta ndalin formimin e Ushtrisë së Kosovës

Kreu i Forumit për Marrëdhënie Etnike, Dushan Janjiq, deklaroi sot se procesi i formimit të Ushtrisë së Kosovës nuk mund të ndalet nga Serbia, Rusia dhe Kina, por ky proces mund të ngadalësohet ose të shtyhet.

Në deklaratën e tij për agjencinë Beta, Janjiq tha se pret që vetëm Rusia në seancën tjetër të Këshillit të Sigurimit të OKB-së do të lidhë krijimin e ushtrisë së Kosovës dhe largimin e UNMIK-ut si një akt të njëanshëm të Perëndimit, i cili do të jetë “maksimumi i mosmarrëveshjes diplomatike”.

nuk i përgjigjet interesit të Rusisë, pasi është e qartë se Ushtria e Kosovës do të jetë pjesë e NATO-s, sepse tashmë po punon si një forcë sigurie”, shpjegoi Janjiq. Sipas tij, për formimin e plotë të ushtrisë së Kosovës nevojiten prej dy deri në pesë vjet.

“Serbia tani mund të bëjë zhurmë të madhe politike, sigurie dhe diplomatike, të thërrasë forcat paqeruajtëse ruse, të shpallë okupimin dhe objektivisht kjo zhurmë kërcënon me destabilizimin e Serbisë dhe tërheqjen e punës së saj në aktivitete të armatosura, që është një kufi që nuk guxon ta kalojë”, tha Janjiq.