Ismaili fle në lagje të ndryshme, Rama rri në ambiente të hapura e Haradinaj merret me kritika

Nga mysafirët e shumtë që mund t’ju trokasin në dyer, kur ta hapni derën mund ta shihni Uran Ismailin.

Kandidati i PDK-së për kryetar të Prishtinës po shkon nëpër secilën lagje dhe po e kalon natën nëpër shtëpi familjare.

Përveç bisedave të rëndomta, ai kërkon më shumë njohuri për problemet e komunitetit.

E me të zbardhur dita Ismajli dhe ekipi i tij ndërhyjnë duke rregulluar infrastrukturën. Kjo megjithatë po bëhet pa lejen e Komunës së Prishtinës.

Grafitet pa leje nuk lejohen.

Edhe Arbëri 12 qer 2021 Kush janë kandidatët për kryetar të Prishtinës?

Për dallim nga Ismaili, kundërkandidati i tij nga radhët e LDK-së, Përparim Rama, po zgjedh ambientet e hapura për t’u takuar me qytetarët e lagjeve të ndryshme dhe të fshatrave të Prishtinës.

Gjatë Kampionatit Evropian ai zgjodhi që së bashku me të rinjtë e Prishtinës të shohë ndeshjet e futbollit në sheshin “Zahir Pajaziti”. Ai fushatën e tij po e bën kryesisht edhe përmes rrjeteve sociale.

Kandidati nga radhët e AAK-së, Daut Haradinaj, po synon të jetë pasardhësi i Shpend Ahmetit, duke kritikuar qeverisjen e deritanishme. Kjo edhe pse AAK-ja është partneri kryesor i Shpend Ahmetit në qeverisjen e tij.

Mbeturinat e shumta në kryeqytet dhe ujërat e zeza, sipas tij, janë disa nga problemet me të cilat ballafaqohen më së shumti qytetarët e Prishtinës.

Krahas saj, ai po bën edhe takime të ndryshme me qytetarët. Ndërsa nuk po e lënë anash as promovimin e aderimeve të reja në parti.

E premtja ishte dita që u tha se Vetëvendosje do ta bëjë publik emrin e kandidatit për kryetar komune.

Edhe Arbëri 15 nën 2025 Me kë do të formohet qeverisja Rama 2?

Derisa ky kandidat pritet të jetë Arben Vitia, helmimet në Deçan kanë bërë që zyrtarizimi i kandidaturës të shtyhet për më vonë.

Nuk dihet ende nëse Vitia do të vazhdojë pozitën e ministrit derisa të nisë punën në zgjedhje.