Bedri Hamza, kryetar i Partisë Demokratike të Kosovës (PDK), ka bërë të ditur se ish-kryetari i Komitetit Olimpik të Kosovës, Besim Hasani, do të jetë në listën e partisë për zgjedhjet e 28 dhjetorit.
Në një postim në Facebook, Hamza ka thënë se Kosova ka nevojë për profesionistë që sjellin përvojë, qetësi dhe rezultate, duke theksuar se përvoja e Hasanit në sport dhe menaxhimin e Komitetit Olimpik është shembull i vizionit dhe përkushtimit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Besimi bëri punë të jashtëzakonshme për anëtarësimin e Kosovës në familjen olimpike botërore, duke hapur një epokë të re për sportin tonë dhe për medaljet që erdhën më pas. Kontributi i tij është një shembull i vizionit dhe përkushtimit”, ka shkruar Hamza.
Ai shtoi se me njerëz të tillë, Kosova mund të ecë përpara dhe se bashkë me energji të re dhe besim të plotë, do të ndërtojnë një të ardhme më të mirë për vendin.