Pierpaolo Cavaglieri, një sipërmarrës italian, i njohur për kultivimin e bimëve bujqësore që përdoren në industrinë e ushqimeve, përkatësisht ëmbëlsirave, ka vizituar dje Komunën e Malishevës, ku është takuar me nënkryetarin Hajdin Berisha dhe drejtorin për bujqësi, Murat Hoxha.
Sipas kumtesës dërguar mediave nga kjo komunë, sipërmarrësi italian, ka shfaqur interesim për të investuar në Malishevë, në kultivimin e bimëve, që përdoren në industrinë e ushqimeve.
Cavaglieri, ka thënë se ai është i interesuar për kultivimin e këtyre kulturave bujqësore, duke filluar nga mbjellja e fidaneve, nxjerrja në treg e këtyre kulturave, e deri te hapja e një fabrike për përpunimin e tyre.
Po ashtu, ky sipërmarrës italian, ka thënë se e gjitha kjo do të arrihej në bashkëpunim me bujqit nga komuna.
“Nënkryetari Berisha dhe drejtori Hoxha, e kanë njoftuar biznesmenin italian, me kushtet dhe mundësitë që ka Komuna e Malishevës, në bujqësi dhe për mundësitë e bashkëpunimit me bujqit lokal, me qëllim të kultivimit të kulturave bujqësore, përfshi edhe kulturat në të cilat ky biznesmen është i interesuar”, thuhet në njoftim.
-
"Buka në furrat e Malishevës brenda standardeve", thotë Inspektorati
-
Berisha: Gjendja e menaxhueshme në Malishevë, masat e reja të panevojshme
-
Gashi takon investitorët e interesuar për zonën industriale në Llazarevë
-
Mustafa fton bizneset zvicerane të investojnë në Kosovë
-
Opozita në Malishevë fton Prokurorinë që t’i hetojë për keqpërdorim disa subvencione në bujqësi