Komuna e Rahovecit planifikon që ta hartojë Planin e ri Zhvillimor Komunal, pavarësisht nga fakti se Plani ekzistues ishte miratuar në vitin 2012. Sipas zyrtarëve komunalë një hap i tillë është i nevojshëm për shkak të kërkesave që burojnë nga Ligji i planifikimit hapësinor. Krahas nismës për Planin e ri Zhvillimor, Komuna e Rahovecit tashmë ka publikuar edhe njoftimin për konkursin e projektimit të Hartës Zonale të Komunës, që po ashtu kërkohet nga legjislacioni i sipërpërmendur, shkruan sot Koha Ditore.
Para publikimit të këtij konkursi, në muajin e kaluar, kryetari i Komunës, Idriz Vehapi, ka urdhëruar Zyrën e prokurimit që të shpallë tenderin për shërbimet e konsulencës për mbështetjen e Komunës së Rahovecit në hartimin e Planit Zhvillimor Komunal, me vlerën e parashikuar prej 40 mijë eurosh. Lidhur me këtë çështje, zyrtari i informimit, Haziz Krasniqi, ka shpjeguar se Komuna e Rahovecit do ta hartojë PZHK-në e re dhe se konsulenca i duhet Komunës për ta ndihmuar stafin komunal për hartimin e PZHK-së së re.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo(Më gjerësisht mund të lexoni sot në Koha Ditore).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.