Zëdhënësi i Prokurorisë Speciale të Kosovës, Sylë Hoxha tha se hetimet për rastin e dëbimit të gjashtë shtetasve turq kanë filluar vitin e kaluar.
“Prokuroria Speciale e ka hapur rastin, qysh vitin e kaluar, është duke mbledhur prova prokurori i rastit edhe raporti i komisionit parlamentar që është dorëzuar në Prokurori, do të jetë pjesë e lëndës”, tha Hoxha për Radion Evropa e Lirë. Më shumë detaje mund të lexoni në REL.
Çështja e gjashtë gylenistëve është kthyer në vëmendje pas reagimit të Ambasadës së Shteteve të Bashkuara të Amerikës, e cila përmes një deklarimi publik dje kërkoi përgjegjësi institucionale për këtë rast.
Po të njëjtën e përkrahu edhe Ambasada Britanike.
Kryeministri i Kosovës, Ramush Haradinaj, sot gjatë ditës ka thënë se zbardhja e së vërtetës për dëbimin e shtetasve turq i ndihmon demokracisë.
