Deputetja e Partisë Demokratike të Kosovës (PDK), Eliza Hoxha, ka thënë se për vrasjen e Arlinda Zekjat duhet të ketë përgjegjësi institucionale, politike e morale.
Hoxha ka thënë se në aspektin zinxhiror duhet të ketë përgjegjësi institucionale për ata që e kanë shkelu ligjin ose nuk kanë adresuar seriozisht kërkesën e Arlinda Zekajt për siguri të theksuar apo për t’i dhënë më shumë vëmendje rrezikshmërisë.
“Këtu duket qartë që nuk ka pasur vëmëndje e as vlerësim të duhur të rrezikshmërisë e kjo është një nga hapat e parë për parandalim”, ka theksuar Hoxha në një intervistë në emisionin “60 Minuta” në KTV.
“Përgjegjësinë politike ta ka dhënë dikush dhe mund të ta kërkojë që të mos jesh më aty, përgjegjësinë institucionale e ke kur je në pozicionet siç është Policia, Prokuroria, gjykatësit dhe të tjerët në gjithë këtë zinxhirin institucional kudo që ka pasur neglizhencë apo mosveprim të duhur, duhet të ketë përgjegjësi dhe jo vetëm morale por edhe penale, por përgjegjësia morale, përveç përgjegjësisë politike i bie nivelit të ekzekutivit që është Qeveria”, ka shtuar Hoxha.
Ajo ka thënë se raportin që do të hartohet nga Ministria e Drejtësisë dhe asaj të Brendshme për rastin do ta shqyrtojnë në Kuvend nga komisionet si dhe Komisioni hetimor për këtë rast dhe nëse ka të gjetura ato do të adresohen në organet përkatëse.
Arlinda Zekaj, 49-vjeçare është qëlluar për vdekje me sëpatë, mbrëmjen e së dielës, në Vitomiricë të Pejës. I dyshuar është kunati i saj, i cili pas tri ditësh në arrati është arrestuar të martën. Tri ditë para se të vritej, nëpërmjet një letre drejtuar Prokurorisë në Pejë ajo kishte njoftuar për rrezikun.
Hoxha: E kthyem Ligjin për Specialen që të mos lihet hapësirë të bëhet i pazbatueshëm
Deputetja e Partisë Demokratike të Kosovës (PDK), Eliza Hoxha, ka thënë se qëllimi i rikthimit të Ligjit për Specialen në Kuvend ka qenë që të mos lihet hapësirë që ai të bëhet i pazbatueshëm dhe barrë për procesin.
Ajo ka thënë se gjatë pjesë e rishqyrtimit do të jetë të gjithë akterët relaevantë.
“Kërkesa për tu kthyer ka qenë sepse ka pasur disa reagime të akterëve nga jashtë që duhet të shtohen disa gjëra, duhet të trajtohet më me finesë një paragraf apo një tjetër, jo specifikisht se çfarë do të ndryshohet, prandaj do të ketë një proces kur të rikthehet”, ka theksuar Hoxha në një intervistë në emisionin “60 Minuta” në KTV.
Më 6 tetor, Kuvendi miratoi ndryshime në Ligjin për Specialen, me nismën e PDK-së. Qëllimi i ligjit qe kufizimi i mandatit të Gjykatës Speciale në kohë, territor e në lëndë.
Kuvendi e mori vendimin pas dënimit të katër ish-udhëheqësve të UÇK-së, Hashim Thaçi, Jakup Krasniqi, Kadri Veseli e Rexhep Selimi me 81 vjet burgim nën akuzat për krime lufte.
Deri në momentin e miratimit para institucioneve pati protesta për disa ditë.
Pas kërkesës së PDK-së, e cila kishte iniciuar e hartuar Ligjin, presidentja Justina Shiroka-Pula e ka kthyer atë në Kuvend për shqyrtim.
Kërkesa e PDK-së për rishqyrtimin e tij para dekretimit nga presidentja nuk u përkrah nga të gjithë deputetët e saj.