Me rastin e pranimit të një donacioni nga Qeveria e Holandës, ministri në detyrë i FSK-së, Haki Demolli dhe komandanti i FSK-së, gjenerallejtënant Rrahman Rama kanë pritur sot në një takim ambasadoren e Holandës në Kosovë, Gerrie Willems, me të cilën biseduan për bashkëpunimin ndërmjet dy shteteve dhe mundësitë e zgjerimit të këtij bashkëpunimi.
Demolli dhe Rama me këtë rast e njoftuan ambasadoren holandeze me zhvillimet dhe të arriturat e përgjithshme të FSK-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga ana e saj, diplomatja Willems premtoi se do të angazhohet për thellimin e bashkëpunimit ndërmjet Kosovës dhe Holandës, transmeton kp.
Pas takimit në kazermën “Adem Jashari” u mbajt ceremonia e dorëzim-pranimit të donacionit të Qeverisë së Holandës për Forcën e Sigurisë së Kosovës, në vlerë mbi 22 mijë euro. Donacioni ka të bëjë me makina qepëse të trikotazhit dhe tapiceri me materiale përcjellëse të mirëmbajtjes.
Trajnimin profesional për përdorim të këtyre makinave, të pjesëtarëve të FSK-së, e ka mundësuar Qeveria e Gjermanisë përmes Forcave të Armatosura të saj.
Dorëzimin e këtij donacioni e bëri ambasadorja e Holandës Gerrie Willems, ndërsa atë e pranoi ministri Demolli.