Më rastin e shënimit të Ditës Ndërkombëtare të Tokës, Komuna e Drenasit ka zhvilluar aktivitete të ndryshme për pastrimin e ambientit në qendër të qytetit dhe ka vazhduar edhe me zona të tjera dhe janë pastruar edhe deponi ilegale.
Në sheshin “Fehmi Lladrovci”, kryetari i Komunës së Drenasit, Ramiz Lladrovci ka ftuar qytetarët që të jenë të kujdesshëm në ruajtjen e ambientit dhe se bashku edhe me grupet vullnetare ka mbjellë disa fidane dhe lule në shesh dhe në zona tjera të qytetit.
Aksionit për shënimin e ditës së Tokës, i janë bashkuar drejtor të drejtorive komunale, Stacioni Policor në Drenas e udhëhequr nga komandantja Feime Bajrami, KFOR-i, Kryqi i Kuq, Zjarrfikësit, Këshilli i Veprimit Rinor Lokal, nxënës të Klubeve të Gjelbra të shkollave, OJQ “Green Art Center” dhe OJQ të tjera në Drenas, KRM “Pastrimi” Ujësjellësi “Prishtina” dhe qytetarë.
Grupet e gjelbra dhe vullnetare kanë vazhduar pastrim të mjedisit dhe mbjelljen e fidanëve në oborre të shkollave dhe ambiente të ndryshme.
-
Komuna e Drenasit paralajmëron masa për zjarret e qëllimshme dhe sabotimin e ndriçimit publik
-
Lladrovci: Qytetarët e Drenasit i kanë 101 arsye “Për Drenasin Kampion”
-
Banorët e Kodrës së Trimave në hall me mbeturinat
-
Komuna nis lirimin e parkingut pranë Ministrisë së Bujqësisë për ndërtimin e Shkollës së Muzikës
-
“Pastrimi” arsyetohet për mosmbledhjen e bërllokut: Ka ndryshuar orari i operimit të deponisë