-
Nga:
Valbona Bytyqi
- 3 janar 2023 16:10
- Shpërndaje në:
Ka nisur largimi i kamionëve të djegur të cilët ishin vendosur si barrikada te vendi i njohur si “Shkëmbi i Dudës” në veri të Mitrovicës.
Largimin e tyre është duke e bërë KFOR-i porse të pranishëm janë edhe pjesëtarë të Policisë së Kosovës.
KFOR-i përmes një postimi në Facebook të martën ka bërë të ditur se do të heqin disa automjete të bllokuara në rrugë në mënyrë që të rikthehet liria e lëvizjes.
“Misioni i KFOR-it po kryen operacione inxhinierike në veri të Kosovës për të hequr disa automjete të bllokuara në rrugë dhe për të rikthyer lirinë e lëvizjes në përputhje me mandatin e tij të OKB-së”, thuhet në njoftim.
VIDEO:
