Ambasadori amerikan në Serbi, Christopher Hill, ka folur për Rregulloren e Bankës Qendrore të Kosovës përmes së cilës euroja bëhet valutë e vetme zyrtare në Kosovë.
Ai tha se qeveria amerikane ka shprehur qartë shqetësimet për këtë rregullore.
Hill tha se nuk dëshiron të hyjë në detaje se çfarë po ndodh aktualisht në Kosovë, por se duhet të ketë përmirësim të marrëdhënieve ndërmjet Beogradit dhe Prishtinës. Sipas tij, normalizimi duhet të arrihet.
“Ne do të vazhdojmë të bëjmë përpjekje përmes dialogut për të normalizuar marrëdhëniet dhe do të shohim për pjesën tjetër”, ka thënë Hill për Tanjugin.