Haziri: Të gjitha strukturat e LDK-së e mbështesin Mustafën për kryeministër

Sipas nënkryetarit të LDK-së, Lutfi Haziri, kreu i LDK-së, Isa Mustafa ka siguruar mbështetjen e të gjitha strukturave të partisë për të qenë edhe një herë kryeministër i Kosovës, në koalicionin e mundshëm me AAK-në dhe Nisma-AKR-në.

“Krejt strukturat e LDK-së e mbështesin Isa Mustafën. Varet prej tij a dëshiron me përsërit sikur dy rastet e kaluara ku nuk e ka kandiduar veten, por dikë tjetër. Mos e harroni këtë gjë”, thotë Haziri për Ksp.

Ndonëse, Lëvizja Vetëvendosje si parti fituese e zgjedhjeve të kaluara nuk ka dërguar ende mandatarin për kryeministër, presidenti Hashim Thaçi ka dhënë sinjale që do të anashkalojë partinë e Albin Kurtit.

Në lidhje me këtë, Haziri thotë se ata do veprojnë vetëm në bazë të rrugës kushtetuese, që sipas tij e përcakton dikush tjetër.

“Nuk varet prej LDK-së, varet prej frymës kushtetuese. Rrugën kushtetuese e përcakton dikush tjetër. Ne vetëm mundemi me konfirmuar që Isa Mustafa e ka mandatin e Këshillit të Përgjithshëm dhe organeve të LDK-së për ndërtimin e shumicës parlamentare. Nëse LVV-ja nuk e bën”, thotë ai.

I pyetur për mundësitë që gjatë ditës sotme të takohen kryetari i LDK-së, Isa Mustafa me presidentin, Hashim Thaçi, Haziri u shpreh pesimist për një gjë të tillë.

Edhe Arbëri 27 shk 2021 Me gjithë “garën” në rrjetet sociale për kreun e ri të LDK-së, kandidaturat mbesin jozyrtare

“Nuk kam njoftim dhe nuk besoj që ka takim të tillë. Por unë nuk jam i njoftuar”, thotë ai.

Gjatë ditës djeshme , kryetari i LDK-së, Isa Mustafa nuk e mohoi mundësinë që të udhëheq qeverinë e re.