Kryetari i Komunës së Gjilanit, Lutfi Haziri, ka njoftuar të ketë dalë negativ në testin për koronavirus.
Përmes një postimi në Facebook, Hazii tha se testit për Covid-19 i është nënshtruar në Laboratorin e Mikrobiologjisë Molekulare të Institutit Kombëtar të Shëndetësisë Publike të Kosovës
Ai ka falënderuar për solidaritetin e treguar nga “mijëra njerëz të mirë, që jetojnë në Kosovë dhe kudo në botë”.
“Ju lutem, jetoni normalisht, pa duarshtrëngim, por përshëndetuni me zemër. Zoti ka thënë: ti ruaju pak, Unë të ruaj shumë”, ka thënë Haziri.
Mëngjesin e sotëm, kryetari i Komunës së Gjilanit, Lutfi Haziri, njoftoi të jetë vetizoluar, pasi javën e kaluar ka qenë në të njëjtin ambient me një të prekur me koronavirusin COVID-19.
